سر گوں ساہ و روہ زلیں ھست سیاد
زند گوں ھوشام و تہاریں مرک داریت وت نیاد
بے شک بلوچیء مرچیگیں ساز و زیمل ء زندگ مانگ و دیمرئی ، وتی سرجمیں جہدکارانی منتوار و جہدانی برکت ء’ توں اے جاہ رستہ و چہ گار و بیگواھی رکّتہ ، ھاس آھاں کسانیں زیمل کار بیتگ انت یا بلوچی زیمل کارانی سرشون و مستریں جہدکاراں .
بلوچیءِ کلاسیکی ساز و زیملءِ منتگیں و رکاٹ یا تواربند بیتگیں مستریں چیدگ ما گوئشت کنیں کہ ناکو فیض محمد بلوچ و ناکو مرید بلیدہ ای چو کوھیں کلاتے زانگ بنت کہ وت استا رمی و ایدگہ مزنیں استا و سازگرانی پشت رند بیتگ انت کہ آھانی وھد ءَ بلوچاں توار بندی و رکاٹ کنئگ ءِ وس نبوته و پہلوانی ھساب ءَ ملا کمالان چہ وتی کوھن تریں کوھیں کلات ملا موسا راسکی و ایدگراں گامے دیما شت .
رند چہ فیض محمد بلوچ ءَ دگہ بازیں نامے ماں بلوچی ساز و زیمل وش تواری یا وش گُٹّی ءَ چہ جنین و مردین دیما آتکگ و وھدے ترپتگ انت. نمیرانیں کاڑک ، نمیرانیں جاڑک ، نمیرانیں استا ستار ، نمیرانیں استا شپی ، نمیرانیں ولی محمد ، استا نورمحمد نورل, استاد زنگشاهی ، استا دینارزیی و دگہ سدانی وش توار اے لڑ ءَ ھوار انت، بلے بے شک اے کاروانء مستریں استار ماں اے پنجاھیں سالاں استا سبزل سامگی ات کہ گوستگیں روچ ء’ ابدمان بوت.
استا سبزل سامگی ما گوئشت کنیں کہ گوئستگیں پنجاہ سالاں ، بے دروریں ساز و زیمل و وش زیمریں توار بلوچی سازگری و ازمکاری ء' بکشاتگ. پنجاہ سال ما گوئشت کنیں کہ سبزل سامگی بلوچ راجء دلدوستیں سازگر و وش گُٹّ بیتگ.
بلوچستانء راجی تپاکی گلّ ، اے مزنیں گم و گرست ء درگت ءَ وتی راجء گماں و نمیرانیں سبزل سامگیء کہولء مردمانی گماں شریدار انت.
بلوچستانءِ راجی تپاکی گل
۱۱ نوامبر ۲۰۲۰
نظرات
ارسال دیدگاه برای این نوشته بسته می باشد.