گوستگیں روچاں ایران ءِ واکداراں شش
بلوچ بندی ءَ ماں دزآپ ءِ بندیجاه پا هو دات ءُ کشت انت.
اے بندیگاں نئے وکیلے هست آت ءُ نئیکه آهاں موه دیگ بوت تاں چه وتی ساه ءُ زند “دفاع” بکننت.
اشاں ماں ایرانی کورچاتاں شزا ءُ ازابانی چیرا وت ءَ را په نه کتگیں گناه ءُ جرم میاریگ زانتگ ات!
پاهو داتگیں بلوچانی نام ایش اَنت:
۱- حمید میربلوچزهی
۲- عبدالباسط خشت
۳- بهنام ریگی
۴- شعیب ریگی
۵- مهربان براهویی ۶۰ سالگ
۶- خداداد نهتانی ۷۳ سالگ
اے بندیگیں بلوچانءِ پاهو دیگ ءَ بید ایرانی ناشریں لشکر همک روچ بلوچ ورنایاں ماں ڈیه ءِ شهر ءُ میتگ، راه ءُ دگاں کشگ ءُ تیری کنگ ءُ زندکا سوچگ انت.
باید انت اے ” جنوساید” ءُ انسان کشی ءِ هلاپ ءَ ما وتی هوریں توار ءَ برزتر بکنیں.
بلوچ دشمنیں ایرانی واکدارانی دیم دارگی انت ءُ په وتی ورنایانی رکّینگ ءَ گوں تپاکی راجی جهداں دیم ءَ بَرَگی انت.
په وتی ملک ءُ بُن پیروکی سرزمین ءِ دست گِرَگ ءَ ما درستیں بلوچانءَ پادآیگی انت ءُ چه زورانسریں درآمداں سیاسی واک پچ گِرَگی انت.
بلوچستان ءِ راجی تپاکی گلّ
ششم دیماه ۱۳۹۹
نظرات
ارسال دیدگاه برای این نوشته بسته می باشد.