◼️شزا دیستگیں مردمانی پشتداری ء جہانی روچ !
جون ءِ بیست و ششمی روچ ، چه میان اُستمانی سازمان ( سازمان ملل ) ءِ نیمگ ءَ شکنجه و شدت آماچیں مردمانی همتواری ءِ روچ ماں جهان نامینئگ بوته .
ماں هما ملکاں ، که اوداں گوں لٹ و کٹ و سرچوپ ءَ دارگ بَیَگ انت ، ملیونانی مردم داب دابیں جانی و پریشان کنوکیں شدت و جنجالانی آماچ انت .
بلوچ راج ماں وتی گنجیں گلزمین بلوچستان ءَ ، درآمد و زورآورانی بازیں جبر و زلم ءِ آماچ انت که اِیر دستی و سرچوپ کنئگ ، و بلوچاں ماں وتی ملک ءَ بے جرم ءَ کشئگ ، په آهانی چکچینی ءَ لانک بندگ ، آهاں کار نه دیگ و … اے پهک بلوچ راج ءِ سرا جبر و زلم ءِ پیشداروک انت .
بلوچانی زلم آماچ بیتگینانی هساب ، پَدَر نهنت ، بلے تو گوئشت کن ئے که سر جم بلوچ راج ، همے زلمانی آماچ انت .
شدت پسندیں واکدارانی سوب ءَ ، که په بلوچ کمتریں انسانی هکانی مَنّوک هم نهنت ، ماں بلوچستان ءَ راجی بیگناهیں بندیگانی هساب ءَ کس نزانت و نه چه هکومتیانی رستری کار گوں بندیگاں ، جهان ءِ مردم سهیگ انت .
اے راستے که هر روچ هزاراں ورنا ، نوک ورنا ، چُکّ و مردم ماں وتی مُلک ، شهر و کلگاں ، گوں داب دابیں ناروایی چه هکومتیانی نیمگ ءَ دچار بنت ، یاں مجبور بنت ، آهانی بدیں زا و هبراں گوش بدار انت .
زورانسریں واکانی جهد همیش انت که بلوچ ءِ سربرزی ، راجدپتر ، آئی ءِ دودربیگ و هستی ءَ ایربجن انت یا مه من انت ، آئیا وتی زبان ءِ وانگ و هبر کنئگ ءَ مه هل انت و … تاں آئی ءِ راجی جوزه ءَ گار بکن انت ، یا بپروش انت که اے وت چه بَد ترین شکنجه و شدتاں گوں بلوچان انت . تاں بلوچ سر چست مکنت و وتی هَکّ ءِ لوٹوک مه بیت و واکدار بلوچستان ءِ هستی و هزانگاں گیشتر ببر انت و هول بکن انت .
سرجمیں هکومتی واکدارانی کردار ماں بلوچستان پیش دار انت که سرجمیں بلوچ و پهک بلوچ بندیگاں ، زلم و ، جبر و ناروایی ءِ چیر انت .
ما چه جهان ءِ سیاسی واکداراں ، چه جهان نامداریں مردمدوستیں مردماں ، چه مردمگری ءِ هکانی پانکجنوکیں گلّ و ادارهاں ، چه جهان ءِ دمکراتیکیں دولتانی سروک و دیوانجاهاں ، دزبندی کنیں که بلوچستان ءَ انسانی هکانی پادمالی ءِ هلاپ ءَ ،بلوچستان ءِ سرا زورانسریں ملکاں کنڈم بکن انت تاں بلوچانی مردمی هکاں به مَنّ انت و بلوچستان ءَ وتی جبر و ناروائیاں بند بکن انت !
بلوچستان ءِ راجی تپاکی گلّ
▪️راجی تپاکی گلءِ وبتاک:
Www.partybns.org
▪️تلگرام:
T.me/partybns
▪️اینستاگرام:
Instagram.com/partybns.official
نظرات
ارسال دیدگاه برای این نوشته بسته می باشد.