بلوچی زبان یکّے چه دنیاءِ شاهگان ءُ کوهنیں زبانان انت که ماں سیاهگ ءُ کتابت ءِ دَور بازیں مشکل ءُ دیمپاناں گوں دیم په دیم اِنت. رند چه بلوچ ڈیه ءِ بهر ءُ بانگ کنگ ءَ بلوچی زبان درآمدیں زبانانی ایردست بوت.
هما درآمد که په وتی نپ ءُ سیتّانی هاترا بلوچی زبان ءِ هلاپ ءَ هر پیمیں گئیر انسانی پندل کارمرز کتگ ءُ په مئے راجی پجّار ءِ گار کنگ ءَ وڑوڑیں سیاست کنگ ءَ انت.
بلوچی زبان چه سئے نیمگ ءَ گوں پارسی، اردو ءُ پٹانی ءِ برزدستی دیم په اِنت. ما را وتی ماتی زبان ءِ نیمگ ءَ باز دلگوش گوَر کنگی انت.
بلوچ واننده ءُ ورنایاں، ڈیه ءِ کماش ءُ نودربراں، شهدربر ءُ استاداں، برات ءُ گُهاراں په وتی ماتی زبان شهدیں بلوچی ءِ زندگ دارگ ءَ ما را اے کار کَنَگی اَنت:
* ما را یک هوریں نبیسگی رهبندے ءِ سرا تپاک بیگی انت.
* بلوچی بوانیں، بلوچی نبشته بکنین ءُ بلوچی هبر کنیں.
* بلوچی زبانزانت، کوّاس، شائر، رجانکار ءُ ندکاراں هیالداری ءُ کمک کنیں.
* بلوچی انجمن، ادبی هوربند ءُ بلوچی وانینگی کورس ءُ کلاساں دلبڈی بدئیں.
* ماں ڈیه ءِ تمامیں بهراں بلوچی زبان ءِ سرا گیشتر دلگوش گور کنیں.
* ماں ملک ءُ درمُلک ءَ نوکیں بلوچی انجمن ءُ ادبی هوربند بنگیج کنگ۰ البت هما جاه ءّ هَنداں که چه پیسرا اوداں هوربند نیست.
* هما انجمن ءُ مچی یاں هاسیں کمک کنگ که بلوچی کتاب ءُ نبشتانک ءُ هالتاک ءُ ماهتاکاں “دیجیتالی” آرشیو اڈ کنگاینت.
* کامپیوتر ءُ موبایلانی سرا وتی کسانیں کلوه (اس۰ ام۰ اس) په بلوچی به نبیسیں.
* بلوچی زبانءَ نوکیں سایت ءُ مجازی تاکانی بنگیج کنگ۰ هنچوشیں سایت که ادبی، ساینسی ءُ زانشی پڑءَ به بنت.
* بلوچی کتاب ءُ وانینگی چاپ کنگ.
* بلوچی تامر ءِ سرا گیشتر کار کنیں.
بلوچستان ءِ راجی تپاکی گل
۲۰ فوریه ۲۰۲۵
نظرات
ارسال دیدگاه برای این نوشته بسته می باشد.